"بو گئجه چوخ سازاق دی، آدامین سوموحلری چاتلاییب ایلیح لری دونار "دئدیم. اودا اؤنجه باشیلا و سونرا دا دوداقلاریلا " دوزدو" دئیرک تصدیق له دی.

قیز: گئج دئیل، گونلر چوخ قیسسا دی، هله ساعات 7 اولوب مو هئچ؟؟؟

دوز دئییردی، یای گونلرینی یادا سالاندا، ساعات 7 ده هله گون اورتا ساییلا بیلردی.

من: دوز دئییرسن، آنجاق آخشام شر قاریشاندان سونرا ائشیحده قالماق چوخ گوونج دئیل ،هله قیز اولاندا دها دا قورخونج اولور. اوغرولار، ایری لر، هله بونلار بیر یانا گئجه نین ییرتیجی حیوانلاری دا بیر یاندان، الله ائله مه سین آدامین هارایینا های وئرن ده چیخماز.

قیز: دا منیم ایشیم بئله دی، تئز چیخا بیلمرم کی.

من: سیزین ایشیز نه دی کی بو ساعاتا کیمی چکیر؟

قیز: سوروجولوک اؤیرتیم مرکزینده ایشلیرم.

من: اوندا بس گونده قورخو و دهشت ایچینده بو باغین قاباغیندا گئچیب گلیرسن؟؟

قیز: دئمک اولار

من: اوندا بس گونده  چیخیم سنین قاباغینا 

قیز:سنین ایشین گوجون یوخدو مو؟؟؟

من: دوزون ایسته سن، من ائوده قالیب درسه باخیرام، قاباقدا یوکسک لیسانس کنکورو واریمدی. اونا گؤره ائشییه چیخمیرام، فقط هردن بیر بالاجا ائشیه چیخیرام.

قیز: اوندا بس منه معطل اولماغین یاخجی اولماز، اونسوزدا من سیزن زحمتیزه راضی اولمارام

من: بوخ نه زحمتی، هله اوسته لیک ،بیر هاوا آلیب گؤیلوم  ده آچیلار.

قیز: منیم چیخیش ساعاتیم معلوم اولماز کی، گؤردون چوخ چکدی، یا آز چکدی. سن چوخ معطل اولارسان.

من: سن چیخاندا منه زح وور من چیخیم.

(بو سؤزو دئدیغیما تئز پئشمان اولدوم، آخی من موبایلیمی نئچه واقت اولاردی سؤندورموشدوم و درسه انگل اولماسین دئیه آچمیردیم. بو قیز تلفون ائتمک ایسته سه، گرح تلفونونو آچام....)

قیز: اولسون، سن تلفون نومرانی وئر،من چیخاندا دایره دن سنه زنگ آچارام.

قالدیم نه دئیم. 

من: دوزون ایسته سن، من درسه باخبم دئیه  تلفونومو باغلامیشام ، آچارسام تانیشلار، یولداشلار زنگ آچیب ایسترس وئریب و یا منی درسه باخماقدا سوستالداجاقلار، قوی من تازا بیر سیمکارت آلیب سنه تلفون نومرامی وئره رم. اونا گؤره سن تلفون نومرانی وئر، من سحر بیر سیمکارت آلیب سنه مئساژ آتارام.