منیم كنكوروم یاخینلاشیردی، ایسته میردیم " آزاد" دا اوخویام. اونا گؤره سحرلر تئزدن یوخودان دوروب، نامازیمی قیلیب گیریشردیم درسه، آرادا دینجلمك اوچون چؤرك آلماق و یا زیبیل قابینی بوشالتماق اوچون چؤله چیخاردیم. سوزو اوزالتماییم. بیر آخشام ساعات 7 اولاردی، هاوا بتر قارانلیق و سویوق ایدی، دوردوم گئدم زیبیل قابینی بوشالدام... منیم ماجرام باشلاندی. او ماجرا باشلایان زیبیل قابیسی بیزم محله نین باشیندا اولان كیچیك باغ كیمی بیر یئرین یانیندا ایدی. منیمده كاپشن چینیمده، بوزوشه بوزوشه زیبیل پاكاتی الیمده، چؤزه بیلمه دییم مسئله لر بئینیمده، محله نین باشیندا زیبیل قابینین یانیدا بیر ایت گؤردوم. بیر ایت من دئییرم بیر ایت سن ائشیدیرسن، گیرمیشدی زیبیل قابینین ایچینه و زیبیل لری دئشیردی، منیم الیمده ائله بیل ایستی زیبیل گؤروب دوشدو یئره، منده قورخومدان آز قالدی ....

آدامین جانی هر شئی دن شیرین دی، زیبیل لری ائله جه آتدیم اورا تئز گئری دوندوم، دؤندوم نه گؤردم. همن قیز!!! قیز ذا منیم كیمی ایتی گؤرموش و مندن بئش بتر قورخموشدو، دئیرلر ایت لر آداملارین اورح لرینی چیرپینتیسینی ائشیدیب و آداملارین قورخوب و یا قورخمادیقلارینی آنلایارلار.

من قیزی گؤردوم قورخومو گزلتدیم، قیز منه یاخین گلیب  ایسته دی ائولرینه كیمی اونون یانیجا گئدم. منده بوتون اوغلانلار كیمی سینه می وئردیم قاباغا و دوشدوم یولا، قورخدوغوم اوچون بتر توغا دوشوب سانكی قاچیردیم...

آردی وار